د افغانستان د والیبال ملي لوبډلې د مرکزي اسیا سیالیو په لړ کې خپله څلورمه لوبه تاجکستان ته وبایلله.
دغه سیالي نن له غرمې مخکې د ازبکستان په پلازمېنه تاشکند کې ترسره شوه.
همدارنګه په دې سیالي کې تاجکستان افغانستان ته د درې پر دوه سیټونو په توپیر ماتې ورکړه او لوبه یې وګټله.
دغه راز، د افغانستان د والیبال ملي لوبډلې په دغو سیالیو کې له دې مخکې درې لوبې ترسره کړې وې چې مالدیف ته یې ماتې ورکړې، ترکمنستان او ازبکستان ته یې بیا لوبې بایللې دي.
د یادونې ده، افغانستان به خپله پنځمه لوبه سبا چهارشنبه له قرغیزستان سره ترسره کړي.
Views: 9
