هر کال په نړۍ کې نږدې نیم میلیون کسان د سالنډي له امله ژوند له لاسه ورکوي

د روغتیا نړۍوال سازمان وايي چې هر کال په ټوله نړۍ کې نږدې نیم میلیون کسان د سالنډي ناروغۍ له امله خپل ژوند له لاسه ورکوي.

یاد مطلب نن (چهارشنبه، د تلې ۴مه) د روغتیا نړۍوال سازمان (ډبلیواېچ‌او) د افغانستان برخې پر اېکس‌پاڼه خپور شوی دی.

سرچینې لیکي: «هر کال په نړۍ کې نږدې نیم میلیون کسان د سالنډي ناروغي له امله مري؛ د تنباکو دود یې تر ټولو لوی لامل دی.»

د ډاکټرانو په وینا، د سالنډي ناروغۍ په ساه اخیستلو کې د توان نه لرلو احساس یا په ساه اخیستو کې د ستونزې په معنا ده؛ دغه وضعیت کېدای شي د لنډ وخت یا اوږد مهال لپاره وي او امکان لري په بېلابېلو شرایطو کې رامنځته شي.

تنفسي ناروغۍ د سږو د التهاب یا عفونت، د زړه ناروغۍ او د زړه حملې له امله پیدا کېږي.

Views: 1