ټورنټو ته څېرمه د کېچنر په ښار کي د کلیسا د پیرلو او هلته د اسلامي مرکز د جوړولو لپاره افغانانو ۵۵۰ زره ډالر را ټول کړل، دا پروګرام چی د ویلمونټ مسلم سنټر له لوري نیول شوی و، ګڼ شمېر اونټاریو مېشتو افغانانو په کې ګډون کړی وو.
د دې مرکز د مشر محمد اکبر قادرخېل په خبره چې د دې کلیسا د پیرلو او هلته د اسلامي مرکز د جوړولو لپاره یو میلیون ډالرو ته اړتیا ده چې لا هم د کلیسا د پیرلو او ودانیزو چارو د بشپړولو لپاره ۴۵۰ زره ډالره کم دي.
د دې اتحادیي د مشر په خبره چي په دې کلیسا کي به له دې وروسته جومات او یو اسلامي مرکز جوړیږي. د دې کال په لړ کې دا دویمه کلېسا ده چې افغانان یې پیري او په اسلامي مرکز یې بدلوي.
بل خوا بیا ټورنټو مېشتي افغانان پر دې اند دي چي که څه هم د کلیسا پیرل او هلته د جومات او اسلامي مرکز جوړول یو ښه اقدام دی، خو د هغه ترڅنګ دې ته هم اړتیا ده تر څو افغانان دلته په اونټاریو کي یو کمیونیټي سنټر او یا هم افغان کلتوري مرکز ولري، تر څو افغانان د ملي ورځو د نمانځلو او د افغان کلتور د ژوندي ساتلو او پاللو لپاره ګټه ورڅخه واخېستل شي.
د وصال ټلوېزیون خبریال عصمت تره کی دې پروګرام ته ورغلی دی تاسو یې لیدلو ته رابولو.
Views: 8
