د امریکا د عدلیې وزارت اعلان کړی چې «د ایران حکومت پورې تړلی» یو ۴۶ کلن پاکستانی وګړی یې د دغه هېواد د مخکني ولسمشر او نورو سیاسي څېرو د ترور لپاره پر پلان جوړولو تورن کړی دی.
سياېناېن د یوه امریکايي چارواکي له قوله لیکلي، د فدرال پولیسو څېړنې ښیي چې ټرمپ او د امریکا څو اوسني او پخواني چارواکي د دغه پلان موخه وو.
راپور زیاته کړې، اصف مرچنټ متحده ایالتونو کې د خلکو د ګومارلو له لارې غوښتل چې په ۲۰۲۰ کال کې د امریکا له لوري د ایران د سپاه پاسداران لوړپوړي قوماندان قاسم سلیماني د وژنې غچ اخیستو لپاره ټرمپ او نور چارواکي له منځه یوسي.
د امریکا د عدلیې وزارت ادعا کړې چې دغه کس څه موده په ایران کې تېره کړې او وروسته له پاکستانه امریکا ته تللی څو هلته د ټرمپ ترورولو لپاره بریدګر وګوماري.
د یادونې ده، یوه شل کلن ځوان د روان کال د جولای په ۱۳مه په یوې ټاکنیزه جلسه کې پر ډونالډ ټرمپ ډزې وکړې چې هغه د غوږ برخه کې ټپي شو.
Views: 17
